iPhone May SIM Nahi Balkay ESIM

San Francisco: Amrician Technology Company Apple ki janib se haal hi mein launch kiye jane walay naye iPhones mein bohat se munfarid features hain lekin un mein se ek aisa bhi feature hai jis ne User ko to bohat pur josh kar diya hai magar doosri janib Goverments ke liye bhi pareshani ka sabab ban gaya hai. Yeh New Features ( ESIM ) hai, yani ab iPhone User ko apne phone mein plastic se bana woh piece daalnay ki zaroorat nahi ho gi jisay hum “SIM CARD”' ke naam se jantay hain balkay aik electronic sim pehlay hi iPhone ke circuit board ka hissa ho gi. Is se pehlay har Company ke Mobile Phone mein Plastic ke tukre ki shakal mein bani sim ko daakhil kya jata hai lekin ESIM ka maamla bilkul mukhtalif hai. Yeh bahar se Phone ke andar daakhil nahi ki jati balkay factory mein jab phone tayyar hota hai to isi waqt is ke circuit board ka hissa bana di jati hai.

Example ke tor par Apple ke iphone mein yeh hardware ka hissa hai aur usay aik Software ke zariye Activate kya jata hai. Sarif chahay New Connection ka aaghaz kar raha ho ya ek career, yani Telecom Company, se dosray par muntaqil ho raha ho, dono sooraton mein usay kahin jaakar sim card haasil karne ki zaroorat nahi paray ge. User kisi bhi Telecom Company ko mehez ek call kere ga aur usay Activation Update bhaij di jaye gi, jo Phone par install hotay hi naya career is ke Phone par activate hojaye ga.

Esim ki madad se User ke liye career switch karna bohat aassan hojata hai, yani woh baghair kisi qisam ki registration ke ek Telecom Company se doosri ki janib muntaqil ho satke hain, aur security idaray usay aik khatarnaak maamla samjhtae hain. Security halqon ka kehna hai ke is Technology ka ghalat istemaal kya ja sakta hai. Jab kisi User ko career tabdeel karne ke liye haqeeqi sim ki zaroorat nahi hogi to usay kisi jagah Registration karwnay ki zaroorat bhi paish nahi aeye gi. Is terhan woh kisi ko khabar kiye baghair ek New career aur nai shanakht ka intikhab karsaktha hai, jis ka mujremana sar garmion ke liye ba aasani istemaal kya ja sakta hai.