Kia Dollar Lay Jany Ki Ijazat Mili?

Islamabad: Foreign Government Ki janib se money laundering aur terrorism financing ki rok thaam kay iqdamaat ke tehat beron malik safar ke liye naqad raqam le janey ki mojooda hadd 10 hazaar dollar se kam karkay 3 hazaar dollar muqarrar kiye janey ka imkaan hai .
express ko dastyab dastaweez ke mutabiq Customs Department ki janib se yeh tajweez di gayi hai ke beron mulak janey walay afraad ke fi-dora, Apne sath 10 hazaar dollar taq naqad raqam le janey ki muqarara hadd par nazar sani ki jaye aur musafiron ko 3 hazaar dollar taq currency sath rakhnay ki ijazat di jaye .
State Bank ki janib se beron mulak safar ke liye 10 hazaar dollar fi dora ke hisaab se ghair mulki currency le janey ki ijazat hai aur iss Kimat mein aik musafir salana ziyada se ziyada 60 hazaar doller tak currency paas rakh sakta hai taham Customs Department ki tajweez par aml daraamad ki soorat mein salana naqad raqam sath le janey ki hadd 60 hazaar dollar se kam hokar 15 hazaar dollar hojaye gi.
Idhar FBI Hukkaam ka kehna hai ke Money Laundering aur Terrorism Financing ki rok thaam ke liye Customs Department ki janib se di janey wali tajweez par ghor kya ja raha hai aur yeh maamla State Bank ke sath uthaya jaye ga .
Hukkaam ke mutabiq hukoomat ki manzoori se hi musafiron ke liye beron mulak safar ke douran, apne sath naqad raqam le janey ki hadd kam karne ka hatmi faisla kya jaye ga.