Pakistan Government Ka Ek Aur Socail Media Ke Sath Samjota?

Lahore: Government Pakistan naay Maroof Social Media Website Twitter kay sath Contact kar liya hai taakay ghair munasib aur qabil aitraaz mawaad ka sad-e-baab kya ja sakay.

Facebook ke baad Twitter hokkaam naay bhi Pakistani Government ke sath Coporate karne par amaadgi ka izhaar kar diya hai jabkay is hawalay se tamam tar mamlaat Pakistan Tele Communication Authority PTI dekhe gi. Facebook hakkaam kay sath rawabit aur qabil aitraaz mawaad ki nagrani, neshandahi aur usay hataane ki zimma-e-daari bhi PTI hi ke paas hai.

PTI ke Spokesman nay Private News rasan idaray se Baat karte hue kaha hai ke Twitter hakkaam naay PTI kay sath mazboot taluqaat bananay ka azm zahir kya hai. PTI Future mein qabil aitraaz mawaad kay khilaaf action aur aik(1) mazboot Mechanism ki tayari ke liye Twitter hokkaam kay sath baatcheet kar rahi hai. Halake Government Pakistan Twitter par mojood makhsoos aur qabil aitraaz mawaad hataane ke liye Effective tareeqa-e-car ki talaash mein thi taham is hawalay se Twitter ka koi makhsoos tareeqa-e-car nahi albata haal hi mein Twitter naay Fake News aur qabil aitraaz mawaad kay khilaaf Crack Down zaroor bhi kya tha.