Ab Video Dekhna Mana Hai

New York : Internet par kya sach hai aur kya jhoot, is ka pata chalana abhi se aik namumkin amal ban chuka hai, taham video aik aisi cheez hai jis par log aitbaar karte hain lekin ab aisi khofnaak technology aa gayi hai ke log videos ka bhi aitbaar nahi kya karen ge. Report mutabiq yeh “Dip Fax” (deep fakes) videos ki technology hai jis ke zariye logon ki aisi jaali videos banani mumkin ho gayi hain jo bilkul asli hon gi aur agar is video mein mojood shakhs khud bhi un videos ko dekh le to soch mein par jaye ga ke is ne yeh kab kaha tha aur kab kya tha jo is video mein dekhaya ja raha hai. 

America ki University of Albany ke Prof. Dr. C.V. Lew ka kehna hai ke “Dip Fax ki Technology itni jadeed hoti ja rahi hai ke usay roknay ki koshish karne walay science daan bhi nakaam ho rahay hain. Filhaal un videos mein aik khaami mojood hoti hai jis ke zariye inhen pakra ja sakta hai, aur woh yeh ke un videos mein mojood shakhs ankhen nahi jahpakta lekin jis taizi ke sath un mein jiddat aa rahi hai, yeh khaami bhi daur ho jaye gi aur is ke baad hamein aik khofnaak sorat-e-haal ka saamna karna parre ga kyunkay hum kisi bhi video par yaqeen karne ke qabil nahi rahen ge ke aaya woh asli hai ya naqli. Internet par “fac app(fake app)” jaisay tools ne yeh technology aam sarfeen ki dustarus tak pouncha di hai aur koi bhi usay istemaal kar sakta hai.”