Mazor Logo Ke Liye Jasy New Zindagi

Islamabad: Scientists ki janib se tayyar kardah aala ki badolat chot lagnay ki wajha se maflooj honay walay afraad ke liye ab chalna mumkin hoga. Yeh Device bunyadi tor par pain par qaboo panay ke liye tayyar ki gayi thi, Jis mein sola(16) Electrodes mojood hain jo reedh ki haddi ke  mutasirah hissay ke bilkul neechay nasb ki jati hai, jahan se woh tangon ko signal bhijti hai. Ek(1) Battery ko maiday ki deewar ke andar nasb kya jata hai, jisay Wireless tareeqay se mutharrak kya ja sakta hai, jab woh mutharrak hoti hai to Device ko dimaghi signal matlooba muscles tak pohanchanay mein madad millti hai, taakay mazoor shakhs aik baar phir chal sakay. 

Medical jareeday Madison aur New England journal of Madison mein shaya maqalah jaat mein tehqeeqi team ne bataya ke reedh ki haddi par injri ke baais maflooj hojane walay mutadid mareez is device ki badolat ek baar phir chalne ke qabil hogaye, jo un ki reedh ki haddi mein nasb ki gayi. Taham Experts ka kehna hai ke yeh har kisi ke liye kamyaab nahi hai kyun ke mareez ko is ke liye sakht jismani therapy ke amal se guzarna parta hai.