Socail Media Ki Web Site Par Lagatar Hamla

San Francisco: Samaji rabton ke World ki sab se barri aur Famous Website “Facebook” par Cyber hamlay ke baais lakhoon user ka Data leek honay ka khatrah hai, Facebook ke Owner Mark Zakarbagh nay kaha ke hum is muamlay ko bohat sanjeedgi se le rahay hain aur is ka hal nikaal rahay hain.

Report ke mutabiq Facebook hakkaam ka kehna hai ke rawan weak Company ko is baat ke isharay miley ke Facebook ke Accounts ko Hack karne ki koshish ki jarahi aur Cyber hamlay ke zariye is ka posheeda code Use karkay Users ke accounts tak rasai haasil karne ka khatrah hai. Doosri taraf Facebook ke bani Mark nay kaha ke hum is muamlay ko bohat sanjeedgi se le rahay hain aur is ka hal nikaal rahay hain, company ki janib se Facebook ke User ke tahaffuz ko yakeeni bananay ke liye poori koshish jari hai jabkay is ke liye thos iqdamaat bhi kiye jarahay hain, itnay khatarnaak muamlay ki nishandahi pehlay hi marhalay par karli gayi hai aur yeh itminan bakhash baat hai. Mark Zakarbagh naay kaha ke taqreeban 90 laakh se zayed Facebook User ke accounts log out karaye gaye jo un ke tahaffuz ke liye zurori tha, hamein un logon ki taraf se musalsal cyber hamlon ka saamna rehta hai jo accounts par qabza kar ke duniya bhar se maloomat chori karna chahtay hain, is liye bohat zurori hai ke hum mukhtalif tareeqay ikhtiyar karte rahen taakay aisay waqeat runuma hi nah hon.